Shillong, Jylliew 12: Ka ophis u Chief Engineer, PHE, u la pyntip ba kan don ka jingpynduh bad ka jingbym sam ïa ka umbam umdih jong ka Greater Shillong Water Supply Scheme na ka bynta 8 kynta ha ka 15 tarik mynta u bnai naduh ka por 10:00 baje mynstep haduh ka por 6:00 baje mynmiet, na ka daw ban thep thymmai ïa ki pumping machine hapoh ka Stage-I bad Stage-II ki Pumping Station jong ka Greater Shillong Water Supply Scheme.
Ha kitei ki por kan ym don satia ka jingsam ïa ka umbam umdih ha nongbah Shillong bad ki jaka ki shnong ba marjan. Na ka liang ka tnat kan pyrshang katba lah ban pyndep ïa ka kam ha ka por kaba biang bad ban leh katba lah ban sam ïa ka umbam umdih khamkloi bad ha ka por kaba biang bad ka kyrpad ruh ïa ki nongshong shnong ban ïaishah bad ka tnat halor kane ka jingdonkam kaba kyrkieh.
The post Yn ym mih um ha nongbah Shillong la 15 tarik first appeared on Mawphor.